პროექტის გეგმა

სასწავლო პროექტი - Let’s introduce Georgia to  foreigners

I.  პროექტის სახელი:

 " Let’s introduce Georgia to  foreigners”

II.  პროექტის მთავარი იდეა  1 - 2 წინადადებით:

გავაცნოთ უცხოელებს საქართველოს მრავალფეროვნება და ერთ პატარა ქვეყანაში მოქცეული მრავალმხრივი სიმდიდრე.

III.   პროექტის მიზნები:

·        მოსწავლეებში კვლევითი უნარ - ჩვევების განვითარება.

·        ზეპირი და წერითი კომუნიკაციის განვითარება ინგლისურ ენაზე.

·        საგაკვეთილო პროცესში მიღებული თეორიული ცოდნის პრაქტიკაში გამოყენება.

·        მოსწავლეებში ინოვაციურობის, კოლაბორაციის და კრიტიკული აზროვნების უნარების განვითარება.

·        საკუთარი ქვეყნის შესახებ მეტი ინფორმაციის მოძიება და გაგება ინტერნეტისა  და საკუთარი კვლევების საფუძველზე.

IV.  პროექტის ამოცანები:
     1. საქართველოს ხედების დათვალიერება და ინფორმაციის გამზადება ქვეყნის ცალკეული კუთხეების შესახებ.
           აქტივობები: 

• ექსკურსიები;
• მასალების მომზადება ისტორიული ძეგლების მნიშვნელობასა და შინაარსზე ( ისტორიის გაკვეთილზე მიღებული ცოდნის გადმოცემა) ;
• გაკვეთილი: "Let's speak about Georgia";
• პრეზენტაციები 

      2. ქართული უნარ–ჩვევების, ქართული ტანსაცმლის, ხალხური სიმღერებისა და    ცეკვების დემონსტრირება .

 

              აქტივობები:

• ხალხური ტანსაცმლის დემონსტრირება;
• ქართული ტრადიციული სიმღერებისა და ცეკვების დემონსტრირება;
• ოჯახური საქმიანობები: ძროხის მოწველა, ყველის დამზადება;
• მასალების აღნუსხვა ციფრული კამერით, დამუშავება კომპიუტერში და ვებ–გვერდზე წარმოდგენა;
• პრეზენტაციები

      3. ქართული სამზარეულოს წარმოჩენა, ქართული სუფრა, მოლხენა სუფრასთან.

      

                  აქტივობები: 

• კერძების მომზადების დემონსტრირება;
• სუფრის გაშლა;
• მოლხენა სუფრასთან, სადღეგრძელოები;
• პრეზენტაციები.

    4. აბაშის რაიონის მაგალითზე სოფლის ცხოვრების ჩვენება.

 

             აქტივობები:

• მასალების მოპოვება;
• ინტერვიუს აღება უცხოელისაგან;
• აბაშის ლამაზი ადგილების დემონსტრირება;
• ფოტოკოლაჟის შექმნა სოფლის ცხოვრების შესახებ.

    5. პროექტის შეფასება:

პროექტის მიმდინარეობისას ადგილი ექნება სამუშაოების წარმართვის მონიტორინგს, ხოლო დასასრულს მოხდება შემდეგი უნარების შეფასება:

• ინფორმაციის მოძიების ( დაკვირვებით, გამოკითხვით, პრეზენტაციების მოსმენით );
• კომუნიკაციის ( დაკვირვებით, გამოკითხვით );
• თეორიული ცოდნის პრაქტიკაში გამოყენების ( მოკვლეული მასალების, სლაიდების დათვალიერება, პრეზენტაციების მოსმენა, თვითშეფასების გაკეთება, საჭიროების შემთხვევაში ანგარიშის შედგენა );
• კვლევის შედეგების ანალიზისა და გადაწყვეტილებების მიღების ( მონიტორინგების შედეგების განხილვით, პრეზენტაციებით, გასაუბრებით ჯგუფის წევრებთან, პროექტის შედგენისა და საბოლოო სახით ჩამოყალიბების ხარისხის შემოწმებით );
• თვალსაჩინოებების შექმნით ( შექმნილი მასალების დათვალიერებით ).

  V.   პროექტის მსვლელობა ( ძირითადი აქტივობები )ვადები:

   აქტ. 1. მოსწავლეების შეკრება და მათთვის პროექტის არსის გაცნობა. ( 14.03 )

  აქტ. 2. პირველადი საკითხების გადაწყვეტა, მოსწავლეების მიერ კითხვების დასმა    განსახორციელებელი საქმიანობების შესახებ, საქმეების გადანაწილება თავიანთი სურვილის მიხედვით. (17.03 – 18.03 )

  აქტ. 3.  საქმიანობების ორგანიზება ( 19.03 – 22.03):

• ჯგუფებად დაყოფა;
• განსახილველი საკითხების გადანაწილება ( არჩევა მოსწავლეთა მიერ );
• კონკრეტული დავალებების მიცემა.

  აქტ. 4. მუშაობის მსვლელობა ( 24.03 – 7.05 ):

• მოსწავლეთა ერთი ნაწილი იმუშავებს საქართველოს ისტორიული და დასავენებელი ადგილების, აბაშის საინტერესო ადგილების შესახებ მასალების მოძიებაზე;
• მეორე ნაწილს დაევალება - ქართული სამზარეულოსა და  სოფლის ცხოვრების ამსახველი მასალების მოპოვება და წარმოდგენა;
• მესამე ნაწილი იმუშავებს ქართული ტრადიციული ცეკვა - სიმღერისა ქართული ტრადიციული სამოსის წარმოჩენაზე;
• მეოთხე ნაწილი აიღებს ინტერვიუს აბაშაში მყოფ უცხოელ მოხალისე მასწავლებელისგან და ორგანიზებას გაუკეთებს ჩანახატებისა და ესსეების მომზადებას.
• მეხუთე ნაწილი მასწავლებელთან ერთად მონიტორინგს გაუწევს პროექტის მსვლელობას. ( მთელი პროექტის მანძილზე )

  აქტ. 5. შესრულებული სამუშაოს შეჯამება, აუდიტორიისათვის გაცნობა:

მოძიებულ და დამუშავებულ  მასალას წარვუდგენთ აუდიტორიას, მივცემთ საბოლოო სახეს და შემდეგ განვათავსებთ ბლოგზე ( 10.05 – 16.05 ).

VI.   მონაწილეთა ასაკი/კლასი: VI, VII, IX კლასი

VII.   ვადები / ხანგრძლივობა: ორი თვე.

VIII.   მოსალოდნელი შედეგები/პროდუქტები, რაც შეიძლება შეიქმნას:

• ფოტო და ვიდეო მასალა
• პრეზენტაციები
• ნახატები
• ესსები
• შთაბეჭდილებების ფურცლები
• ჩანახატები
• ინტერვიუ
• გამოფენა - საგამოფენო სტენდები ფოტოსურათებითა და საკუთარი ნახატებით.
• ლაშქრობები
• ექსკურსია
• პროექტის ვებ-გვერდი.

IX.   პროექტისთვის საჭირო ძირითადი რესურსები:

• კომპიუტერი,
• პრინტერი
• ინტერნეტი
• ციფრული კამერა
• პროექტორი
• საჭირო ლიტერატურა
• ფორმატისა და თაბახის ფურცლები
• ფანქრები და კალმები
• მარკერები

X.   საგნებთან/საგნობრივ ჯგუფებთან კავშირი:

  ამ პროექტზე მუშაობისას მოსწავლეები გაიღრმავებენ ცოდნას შემდეგ საგნებში: ისტორია,  გეოგრაფია, ხელოვნება, მუსიკა,  ქართული ენა და ლიტერატურა.  გაიწაფებიან ისტ-ში ( შეეძლებათ  ინფორმაციის მოძიება ინტერნეტში, პრეზენტაციის მოწყობა, ფოტო და ვიდეო მასალის დამუშავება, ვებ-გვერდის შექმნა)

XI.   პროექტის ხელმძღვანელი :  ინა გერსამია, აბაშის რაიონის სოფელ ეწერის საჯარო სკოლის ინგლისური ენის პედაგოგი

XII.  პროექტის ხელმძღვანელის ელ. ფოსტა:  i.gersamia@yahoo.com

XIII. პროექტის ვებ გვერდი/ბლოგი: inagersamia.blogspot.com/